Tolkien Gateway

User:Tar-Telperien/Translations

< User:Tar-Telperien
Revision as of 03:32, 22 December 2007 by Tar-Telperien (Talk | contribs)
(diff) ← Older revision | Latest revision (diff) | Newer revision → (diff)

This page contains Quenya translations made by Tar-Telperien. The Quenya language, as are most of the things being translated, is of course Tolkien's, but the inspiration here is mine. Please ask for permission if by some remote chance you find this stuff interesting and wish to use it.

Et Quenta Atalantëo: From the Akallabêth

...Núnatani tá merner i ilfírala osto ya cenneltë háyallo, ar i milmë oia cuilëo, usë fíriello ar i metta alassëo, sahtanë tenna; ar voro írë túrelta ar alcarelta yantyaner, úsérelta ortanë. An Valar apaitier Núnatani anda cuilenen, ananta lá polleltë haita tello i lumbië Ambaro ya tulë teldavë, ar firiltë, é araneltar i erdëo Eärendilo; ar i lúmë coivieltaron sinta né i hendissen Eldaiva. Sië huinë lantanë tenna, yassë cé i níra Moringotto mótanë ya er rúmanë Ambaressë. Ar tá Núnatani nurruner, minyavë óreltassen, ar tá látë quettainen, pa i umbar Ataniva, ar er lil pa i Avalë ya váquentë te cirë mir i Númen.

Ar equeltë imíca intë: ‘Manan enta hamir Númeheruvi útyelila séressë, mal mauya men firë ar lelya manna lá istalmë, autala marelma ar ilqua ya acárielmë? Ar Eldar lá firir, laumë eltë i querner Herullon. Ar an utúrielmë ilyë ëari, ar únen ta verca hya ta palla ná i elma ciryar lá polir orturitas, manan lá lertalmë lelya Avallónenna ar enta quetë ana nildolmar?’

Ar queni enger i quenter: ‘Manan lá ecë men lelya é Amanenna, ar enta tyavë, er auressë min, i alassë Valaiva? Nalmë sí taurë imíca i lië Ardo, lau?’

Eldar nyarner quettar sinë Valannar, ar Manwë nyérina né, cendala lumbo hostëa or i alcar Númenóreva. Ar leltanes núror Núnataninnar, i quenter hormëavë i Aranenna, ar ilquenenna i merner lasta, pa i marto ar carmë Ambaro.

‘I Umbar Ambaro,’ quenteltë, ‘Er eressë polë ahya ye carnes. Ar qui cirildë sië i úsala ilyë hurur ar remmar é tulildë Amanenna, i Mána Aranië, pityavë paityuvaldë. An umë i nórë Manweva ya anta lierya ilfírië, mal i Fírielórë i marir tassë airítier i nórë, ar tás er hestuvaldë ar yeryuva lil lintavë, ve malwi calassë acca tulca ar vórima.’

Mal equë i Aran: ‘Ar Eärendil, nossenerinya, cuina ná, lau? Hya umis Aman-nóressë?’

Yanna nyarneltë: ‘Elyë ista i haryas exa marto, ar martyaina né Minnónain i lá firir; ananta sin yando umbarya ná i se laumë lerta entulë ata firyë nórennar. Entë lye ar lielya umir Minnónaron, mal nar fírimë Atani ve Ilúvatar carneldë. Ananta merildë sí harya i annar yúyo nostaliva, cirë Valinórenna írë mínaldë, ar entulë írë merildë ana mareldar. Tan laumë lerta ná. Ar Valar lau polir haita i annar Ilúvataro. Eldar, quetil, úpaimetanë nar, ar é eltë i querner lá firir. Ananta tan ná tien lá paityalë hya paimë, mal i indómë cuilelto. Lau lertaltë usë, ar nautë nar Ambarenna sina, laumë lelyatas lúmessë ya voris, an coivierya tenya ná. Ar nal paimetana i quermen Atanion, quetil, yassë haryanel pitya ranta, ar sië firil. Mal tan úmë minyavë santë paimen. Sië usildë, ar lelyar Ambar, ar umir nautë senna, estelessë hya lumbiessë. Man imíca vé etta lertar milë i exi?’

Ar equë Núnatani: ‘Manan lá lertalmë milë Valar, hya é i ampitya Fírielóraron? An elmello cenelóra Estel mauyaina ná, ar Estel ú varnassëo, lá istala tai caita epë me sinta lúmessë. Ananta elmë yando melir Arda ar laumë merir hehtas.’

Tá i Núror quenter: ‘É i sáma Ilúvatarwa pa le umë istaina ló Valar, ar lá apanties ilqua ya tuluva. Mal sin savilmë anwa ná, i marelda umë sís, lá Aman-nóressë hya é mir Rindi Ambaro. Ar i Umbar Ataniva, i autaltë, né minyavë anna Ilúvataro. Sa enyérieltë er an túlala undu i huinë Moringotto sanveltë i neltë pelinë alta mornienen, yo neltë ruhtainë; ar Ataneli tá ner níranquë ar avaner lavë, tenna cuilë mapaina né tello. Me i colir i vortala cólo i yéniva umir aqua hanya sin, mal qui tana nyérë entúlië nwalien le, ve quetildë, tá rucilmë ho i Huinë enorta ar tuia ata óreldassen. Etta naldë Núnatani, i usser Huinello andanéya ar mahtanes canyavë, ananta elmë quetir eldenna: Á tiril! Indómë laumë polë mahtaina ná, ar Valar nyarildë hormëavë lau avalerya i Estel yanna naldë yalinë, an tá nauvas nútë yanen naldë avaleryanë. Á savil i é i ampitya námaron yavuva. I melmë Ardo panyaina né óreldassen ló Ilúvatar, ar umis rerë ú casto. Mal rimbë randar Ataniva cé autuvar nó tana casta istaina ná, ar eldenna nauvas apantaina ar lá Valannar.’

Nati sinë martaner auressen Tar-Ciryatano, ar Tar-Atanamiro yondorya...